Sefydlwyd Cronfa Dreftadaeth y Loteri (CDL) gan y Senedd ym 1994 i roi grantiau i ystod eang o brosiectau a oedd yn cynnwys treftadaeth leol, ranbarthol a chenedlaethol y Deyrnas Unedig.  Rydym yn dosbarthu cyfran o’r arian a godir gan y Loteri Genedlaethol ar gyfer Achosion Da.

Eleni, byddwn yn dyrannu tua £255 miliwn i brosiectau yng Nghymru, Lloegr, Gogledd Iwerddon a’r Alban.  Ers 1994, mae CDL wedi dyfarnu £4 biliwn i fwy na 26,000 o brosiectau ledled y DU.

Yn swyddogol cawn ein hadnabod fel ‘corff cyhoeddus anadrannol’.  Er nad ydym yn adran o’r llywodraeth, golyga hyn fod yr Ysgrifennydd Gwladol dros Ddiwylliant, y Cyfryngau a Chwaraeon yn rhoi cyfarwyddiadau ariannol i ni, ac rydym yn adrodd i’r Senedd drwy’r adran.  Mae ein penderfyniadau ynglŷn â cheisiadau a pholisïau unigol yn gwbl annibynnol.

Gweinyddir CDL gan Ymddiriedolwyr Cronfa Goffa’r Dreftadaeth Genedlaethol sy’n dyrannu tua £10 miliwn y flwyddyn i’n treftadaeth genedlaethol, sy’n ymddwyn fel cronfa ‘yn niffyg dim arall’.